E ardhmja e çiftit të famshëm Justin Timberlake dhe Jessica Biel u vu në pikëpyetje pasi këngëtari u fotografua duke mbajtur duart me kolegen e tij.
Por pas një falje publike që i kërkoi Justin, ku u rrëfeu se nuk e kishte tradhtuar, duket se themelet e martesës së tyre janë të forta.
Jessica duket se e ka hedhur pas krahëve këtë histori dhe e ka falur bashkëshortin e saj.
Pas një heshtje të gjatë, më në fund ajo reagoi në lidhje me qëndrimin që mbante ndaj këngëtarit.
Jessica publikoi një seri fotosh ku i uronte ditëlindjen Timberlake.
“Gëzuar ditëlindjen mashkullit që nuk njeh kohë. Ti në një farë mënyre je rritur pa u plakur. Të duam shumë,”- shkroi ajo.
Fjala “Ne” është një referencë për veten ashtu edhe për djalin 4-vjeçar të çiftit, Silas Randall.
Justin dhe Jessica janë martuar në vitin 2012.
Por nëntorin e kaluar, këngëtari u fut në probleme me gruan pasi një paparaz e kapi duke mbajtur dorën e aktores Alisha Wainwright në New Orleans, me të cilën aktroi në filmin “Palmer”.
Në një postim në Instagram, ai I kërkoi falje bashkëshortes së tij duke thënë se atë natë ishte i pirë,
Ndërsa thuhej se Jessica ishte shumë e mërzitur për veprimin e tij dhe se nuk e kishte falur plotësisht.
Por në vitin e ri çifti u pa sërish bashkë duke ngrënë një darkë në Kaliforni. Më pas u panë në New York me djalin e tyre.
Gjithashtu u raportua se ata janë në një terapi në çift në përpjekje për të forcuar lidhjen e tyre martesore dhe duket se ka funksionuar.
