Ministri i Jashtëm rus, Sergey Lavrov paralajmëroi se çdo veprim i ri ushtarak i SHBA-së kundër Iranit do të kishte pasoja serioze.
Ai bëri thirrje për përmbajtje dhe përpjekje të vazhdueshme për të gjetur një zgjidhje në mënyrë që Teherani të mund të vazhdojë të ketë një program paqësor të energjisë bërthamore.
“Në të kaluarën ka pasur sulme në Iran ndaj objekteve bërthamore nën mbikëqyrjen e Agjencisë Ndërkombëtare të Energjisë Atomike. Për aq sa mund të gjykojmë, ka pasur rreziqe reale të një incidenti bërthamor”, theksoi Lavrov në intervistë.
“Po i monitoroj nga afër reagimet në rajon, veçanërisht nga vendet arabe dhe monarkitë e Gjirit. Askush nuk dëshiron përshkallëzim të mëtejshëm. Të gjithë e kuptojnë se kjo është lojë me zjarrin”, shtoi ai.
Nëse ka një konflikt ushtarak, vuri në dukje ai, kjo mund të zhbëjë hapat pozitivë të viteve të fundit, siç është përmirësimi i marrëdhënieve të Iranit me vendet e rajonit, veçanërisht me Arabinë Saudite.
© Panorama.al
