Dita e 51-të e protestës tregoi edhe një herë qëndrueshmërinë e qytetarëve shqiptarë për të ndryshuar sistemin politik dhe keqqeverisjen.
Edhe sot nuk munguan parullat e larmishme, nga kërkesa për dorëheqjen e qeverisë, tek arrestimi i ish-zv/kryeministres Belinda Balluku, largimin e Edi Ramës dhe deri tek ato për ndryshimin e Kodit Zgjedhor.
Mes parullave që binin në sy ishin ato si:
“Edhe sa miliona duhet të vjedhë Balluku, që SPAK të zgjohet nga gjumi?”
“Çdo ditë më shumë, çdo zë më i fortë”
“51 ditë, zëri ynë, e ardhmja jonë”
“Ndryshoni kodin elektoral, 100% lista të hapura”
“Tatimet në kulmin e sezonit, kjo është Rilindja e turizmit”
Fillimisht u grumbulluan si përditë në sheshin “Skënderbej” për t’iu drejtuar me marshim bulevardit drejt kryeministrisë.
Ata i bënë thirrje kryeministrit për largim pasi “nuk i përfaqësonte”, ndërsa mbanin pankarta dhe parulla.
“Rama, jepe dorëheqjen”, “Shqipëria kërkon revolucion”, “Shqipëria e shqiptarëve, jo e pushtetarëve”, “Edi Rama o legen, gjithë Shqipëria të urren”, “Ju erdhi fundi”, “Rama në burg, Berisha në burg” apo “Shqipëria nuk është në shitje”.
© Panorama.al
