VIDEO/ Skandal në Serbi, trajneri që gjykohet për krime lufte rrah lojtarin e tij gjatë ndeshjes
Ndeshjet e futsallës në Serbi kanë prodhuar këtë javë një ngjarje të rëndë nga një personazh i cili është bërë protagonist në fakt për akuzat që ka marrë si pjesëmarrës në krimet e luftës në vitet ’90.
Në ndeshjen e Ligës së Parë, SAS nga Zrenjanini fitoi me shifrat 6-4 në transfetë ndaj FON Banjicës, por gjithçka kaloi në plan të dytë nga sjellja e trajnerit mik, Milivoj Batinica.
Në fundin e pjesës së parë, pas një përplasje me një lojtar të tijin, ai e tërhoqi nga fanella dhe e goditi në qafë dhe në kokë. U desh ndërhyrja e lojtarëve të tjerë që të qetësonin trajnerin serb.
Simo Batinica(Bosanac)Haški optuženik uhlebljen u Telekomu uništitelj velikog i malog fudbala u Zrenjaninu jedan od osnivača sns u gradu sa ovakvim ponašanjem zaslužuje hitnu reakciju policije i tužioca.HITNO❗❗❗Ovo se zove nasilje nad omladinom Zrenjanina. pic.twitter.com/4W6z8EiTu7
— Sonja (@SonjaPernat76) November 29, 2023
Batinica është një personazh i njohur për sjellje të tilla, por edhe për faktin se prej vitesh po gjykohet për krime lufte në Bosnjë Hercegovinë. Ai dyshohet se ka marrë pjesë në vrasjen e të burgosurve boshnjakë në Kravicë afër Srebrenicës në vitin 1995 si pjesëtar i Brigadës së Policisë Speciale të Ministrisë së Punëve të Brendshme asokohe,.
PANORAMASPORT.AL
NDIQE LIVE "PANORAMA TV"