Odise Roshi ka siguruar “play off”-in në Kategorinë e Dytë turke. Pjesë e ekipit të Sakarjasporit, mesfushori i Kombëtares është renditur në vendin e katërt me klubin e tij në kuotën e 62 pikëve, çka i siguron një shans për të tentuar ngjitjen në elitën turke.

Kontrata e fierakut është deri në vitin 2024, ndërkohë sa i përket këtij sezoni, Roshi i kushtëzuar disi edhe nga dëmtimet e lehta, ka luajtur në 23 ndeshje gjithsej, duke shënuar një herë dhe dhënë pesë asiste, në një total prej 1518 minutave.

Sa i përket “play off”-it, nuk arritën dot që ta kapnin skuadra e Dejvi Bregut, Boluspori, dhe Keçiorenguçu e Jurgen Bardhit. Për të kaluar më pas tek Ermir Lenjani, i cili aktivizohet në elitën turke me Umraniesporin. Mbrojtësi që i ka pasur minutat e limituar këtë sezon, nuk ia ka dalë me klubin e tij që të qëndrojë në kategori, teksa është renditur në vendin e fundit dhe ka prerë biletën për në ligën e parë turke.

PANORAMASPORT.AL

NDIQE LIVE "PANORAMA TV"

---