Horge Martin është i tërbuar: vendi i dhjetë në Katar e mban atë larg Kampionatit Botëror Moto GP. Ai tani është 21 pikë prapa Françesko Banjaia në renditje. Rezultati zhgënjyes në Losail u diktua nga një problem me gomat Mishelin. Dhe spanjolli i ekipit “Pramac Ducati” drejton gishtin nga furnizuesi francez për mikrofonat “Sky”:

“Goma nuk po funksiononte. Nuk munda të bëja shumë. Unë isha i vetmi që rrëshqita në fillim. U përpoqa të qëndroja me qetësi në xhirot e para, por nuk pata ritmin për t’i kaluar pilotët e tjerë”.

I zhgënjyer-

Vështrimi i Martinit kalon nga gara në Katar në diskutimin e kampionatit: “Është turp që kampionati të vendoset kështu. Nuk mendoj se u zgjidh në pistë me rezultat. Ishte diçka shumë e çuditshme. Për mua është një turp, e them këtë pavarësisht se kush mund të fitojë.” Horge shfaqet mjaft i dëshpëruar duke e ditur se çfarë e pret në garën e fundit  në Valencia. “Nuk është njësoj të arrish atje 21 pikë prapa. Më vjen shumë keq pas një viti mundim. E meritoj titullin si Françesko, por fatkeqësisht shkoi kështu…”.

Dhe atyre që theksojnë se një problem i ngjashëm ka prekur Banjajan, Martin u përgjigjet: “Dje Peko arriti xhiron me tre të dhjetat e liderëve. Unë, nga ana tjetër, isha shumë larg. Ka goma që shkojnë dhe nuk shkojnë. Nuk po them se është bërë me qëllim, por nuk ka kuptim”.

PANORAMASPORT.AL

NDIQE LIVE "PANORAMA TV"

---