Moviola Erzeni-Skënderbeu/ Saktë tre 11-metërsha, por ka dyshime për një tjetër
Diçka e pazakontë ndodhi gjatë ndeshjes ErzeniSkënderbeu, ku gjithsej u goditën katër penallti. Sa u përket rasteve për moviolë, do ta nisim me penalltinë e parë të akorduar për korçarët.
20’ Rashica kalon Atandën dhe nga mbrapa mbrojtësi pengon te këmbët sulmuesin bardhekuq. Sipas pamjeve, vendimi është i drejtë dhe kryesori konsultohet edhe me sistemin VAR.
25’ Nikaj merr një ndërhyrje në zonë nga Sadiki, i cili duket qartë që është një kohë vonesë. Madje, mbrojtësi është i vetëdijshëm për faullin dhe nuk proteston te kryesori.
28’ Liço godet penalltinë dhe topi përplaset në shtyllë dhe shkon te Atanda, që e largon. Mbrojtësi ishte futur në zonë para se Liço të godiste dhe pas konsultimit me VAR-in, penalltia kthehet sërish.
58’ Prençi largon një top nga zona që shkon te mbrojtësi Ramos, i cili dyshohet se e prek me dorë, por nga pamjet nuk duket qartë.
90+5’ Shaqe ndërhyn nga mbrapa, duke shtyrë Zekën që rrëzohet në zonë. Ka penallti dhe vendim i drejtë nga gjyqtari Beqiraj.
PANORAMASPORT.AL
NDIQE LIVE "PANORAMA TV"