Luajnë kundër Maliqit, gardiani i Turbinës i vë “kyçin” portës: Ta harrojnë golin

Panorama Sport | Lajmet e fundit nga sporti

Postuar: Dhjetor 3, 2021 | 22:26


Luajnë kundër Maliqit, gardiani i Turbinës i vë “kyçin” portës: Ta harrojnë golin

Turbina vijon përgatitjet në kryeqytet për transfertën e kësaj të shtune. Skuadra luan me Maliqin dhe mendon gardiani Leonid Varfi që të karikojë grupin.

leonid varfi

Teksa flet për “Panorama Sport”, ai premton se do t’i vendosë “kyçin” portës:

“Luajmë me Maliqin dhe kjo ndeshje është vendimtare për ecurinë tonë. Nuk na lejohet në asnjë mënyrë të bëjmë ndonjë hap fals. Kemi vetëm një synim në këtë transfertë: fitoren me çdo kusht. Besoj shumë se do ta arrijmë këtë gjë, sepse vijmë pas dy humbjeve rresht. Portës do t’i vendos ‘kyçin’ dhe lojtarët e Maliqit ta harrojnë golin. U bëj thirrje sulmuesve tanë, që të jenë sa më rezultativë dhe të shënojnë. Nuk shkojmë për barazim, por vetëm për pikët e plota.

Këto na ngrenë shumë në renditje dhe na largojnë nga zona e ftohtë e klasifikimit. Luajmë në Bilisht dhe jo në fushën e tyre, kështu që mundësitë për t’i mundur janë të shumta”.

MARIGLEN MIRAKA-PANORAMASPORT.AL