Federata e Peshëngritjes pezullon Evangjeli Velin, ka akuza për vëllain e Pirro Dhimës

Panorama Sport | Lajmet e fundit nga sporti

Postuar: Gusht 23, 2022 | 15:37


Federata e Peshëngritjes pezullon Evangjeli Velin, ka akuza për vëllain e Pirro Dhimës

Federata Shqiptare e Peshëngritjes ka pezulluar Evangjeli Velin nga të gjitha aktivitetet pasi rezultoi me doping në Kampionatin Europian.

VELI 1

“I gjithë bordi ka qenë unanim. Ne i kemi thënë tashmë ‘Stop’ dopingut. Evangjeli Veli deri në përgjigjen e monstrës B, tashmë ajo është e dyshuar momentalisht, do të pezullohet nga të gjitha aktivitetet kombëtare dhe ndërkombëtare. Kjo gjë do të bëhet me dije nga Federata Botërore e Peshëngritjes, Federata Europiane e Peshëngritjes dhe Federata e Greqisë e Peshëngritjes. Kjo sportiste ka bërë stërvitje dhe ka qenë në kontakt me trajnerë dhe presidentin e Federatës së Peshëngritjes së Greqisë.

Është fenomeni i dytë që na ndodh, është hera e dytë që na ndodh, edhe në Kazakistan, edhe tashmë në Tiranë, që sportistët që stërviten në Greqi, na vijnë dhe kapen me doping.

Në rast se përgjigja e mostrës B do të jetë e njëjtë me përgjigjen e mostrës A, atëherë Evangjeli Veli do të përjashtohet përgjithmonë nga sporti. Ky është një vendim drastik mbi Federatën Botërore dhe ne jemi tashmë kategorik, çdo sportist që kapet pozitiv, pavarësisht se VADA i ka përjashtuar të gjitha federatat, jo vetëm Federatën Shqiptare të Peshëngritjes, port ë gjitha federatat në botë nga doping, ne do jemi ekspert, pasi kemi thënë që një sport i pastër na bënë fitimtar dhe më të lumtur, kur marrim medalje të arta. Ne sapo erdhëm nga Polonia, ku morëm 6 medalje, 3 të arta dhe 3 bronzi dhe jam i sigurt 100% që këta sportistë janë stërvitur në Shqipëri dhe mbas 21 ditësh do të na vijë një përgjigje negative mbi ta.

Unë jam presidenti i dy aktiviteteve ku janë kapur pozitiv tre sportistë në Kazakistan dhe tani Evangjeli Veli. Evangjeli Veli ka bërë 9 deri në 11 kontrolle nga VADA në mënyrë të pavarur për vitin 2022 dhe testi i fundit ka qenë gjashtë ditë para europianit.

Pra, sportistja Veli ka përdorur një medikament ose ampul në momentet gjatë zhvillimit të europianit dhe mund t’ju them dhe e kam të vërtetuar që një trajner grek, Odise Dhima, ka qenë prezent në shoqërinë, në hotelin ku ka qenë të grumbulluar Evangjeli Veli, trajneri i saj dhe një sportist tjetër që kapëm pozitiv po ne, Federata Shqiptare e Peshëngritjes.

Odise Dhima është dhe vëllai i Pirro Dhimës. Unë e them mbasi kam vërtetuar, të fotografuar, momentin e takimit të sportistet tonë me Evangjeli Velin”, u shpreh Elez Gjoza në një deklaratë të dhënë për “Top Channel”.

PANORAMASPORT.AL