Kevin De Bryjne kërkon triumfin në Ligën e Kampionëve. Kjo ishte deklarata e tij përpara finales së Stambollit kundër Interit. Ylli belg u shpreh se e ka harruar finalen e dy viteve më parë dhe se tani do të bëjë çmos për të ngritur trofeun.

E keni kërkuar Champions-in prej shumë kohësh. Si ndiheni?

Është e vërtetë, kam qenë këtu për një kohë shumë të gjatë, ku kemi pasur momente të paharrueshme. Ngritje dhe ulje, kemi luajtur në këtë kompeticion prej një kohe të gjatë dhe nuk kemi arritur ta fitojmë. mendoj se kemi bërë mirë, por nëse e fitojmë atëherë do të jetë fantastike për të gjithë.

Inzagi tha se Siti është skuadra më e mirë në botë.

E falënderoj atë. Mendoj se kemi punuar fortë për të bërë lojën tonë më të mirë. kemi fituar shumë ndeshje dhe shumë trofe në Angli. Mendoj se të gjithë e dinë se për çfarë jemi të aftë. Do të përpiqemi sërish nesër.

Çfarë do të thotë të fitosh “Tripletën”?

Ndërprerja e Botërorit ishte e çuditshme. Të gjithë e përjetuam në mënyra të ndryshme. Unë jam shumë krenar për çfarë kemi arritur si skuadër. Kemi bërë gjëra fantastike dhe tani mungon vetëm hapi i fundit që duhet kaluar.

Dashuri me shikim të parë me Halandin?

Jo, sigurisht që jo. Jam i lumtur me gruan time. Seriozisht, ndjesia që kemi në fushë është e vështirë për t’u shpjeguar. Disa herë unë e kuptoj se çfarë ai do dhe ai e kupton se çfarë unë dua. Ne lidhemi mirë dhe unë mund të them që e kemi ndihmuar ekipin deri tani. Shpresoj që ai të dijë se çfarë duhet bërë nesër.

Nesër do të duhet shumë durim…

Ne e kemi studiuar mirë Interin, e dimë se çfarë janë të aftë si ekip ashtu edhe individualisht. Ne nuk presim një lojë shumë të hapur për sa i përket hapësirave, është një finale. Ne duhet të përpiqemi të luajmë siç e dimë, me besim. Pra, në fund duhet të gjejmë raste dhe të shënojmë gola.

Forma e lojës është paksa e pazakontë për futbollin anglez.

Epo, në vitet e fundit shumë skuadra të renditura më të ulëta në Premier Ligë kanë luajtur me mbrojtje me pesë. Avantazhi që ka Interi është se ata e njohin shumë mirë këtë sistem, lojtarët e dinë rolin e tyre dhe padyshim që janë shumë të mirë.

A është Champions-i një ëndërr apo një obsesion për Sitin?

Kjo varet… Nëse fiton Ligën e Kampionëve, merr një nga gjërat më prestigjioze që mund të fitosh, si ekip dhe si lojtar. Nesër kemi mundësinë të provojmë.

Çfarë mendoni se do të ndryshojë në krahasim me finalen që humbët?

Unë mund të përgjigjem vetëm nesër. Ne humbëm dy vjet më parë, kjo ndodh. Ne duhet të mësojmë nga kjo dhe nesër kemi një tjetër mundësi për të treguar se mund ta fitojmë këtë trofe.

Por a ka dallime në krahasim në prag të asaj ndeshje?

Nuk ndjej shumë ndryshim. Ndoshta fakti që këtë vit luajtëm në një finale disa ditë më parë, ndërsa dy vjet më parë kishim dy javë pa angazhime të mëdha.

Është 10 qershori, sa energji keni për të luajtur këtë lojë?

Mendoj se çdokush do të kishte të gjithë energjinë në botë për një ndeshje si kjo. Nëse je në formë, mund të luash gjatë gjithë vitit. Nëse je në formë, mund të luash çdo 2-3 ditë. Gjëja më e ndërlikuar po rikuperohet në nivel, por nuk shoh se çfarë problemesh mund të ketë në një finale të Ligës së Kampionëve. Nesër lojtarët e të dyja skuadrave do të kenë të gjithë energjinë e botës

PANORAMASPORT.AL

NDIQE LIVE "PANORAMA TV"

---