Postuar: Qershor 30, 2022 | 18:11
Dy humbje, xhudisti Indrit Çullhaj eliminohet nga Lojërat Mesdhetare
Në Oran të Algjerisë vijojnë garat për edicionin e 19-të të Lojërave Mesdhetare, event ku përfaqësohet edhe Shqipëria. Sot radhën për të konkurruar për ekipin kuqezi e kishte xhudisti Indrit Çullhaj, në kategorinë e peshave -73 kg.
Kampion absolut prej shumë vitesh në Shqipëri, Çullhaj nuk mundi që të lërë gjurmë në “Oran 2022”, teksa pësoi dy disfata me “ippon”.
Fillimisht ai u mund nga algjeriani Messaoud Redouane Dris, ndërsa në duelin e dytë u mposht nga siriani Hasan Bayan.
Kujtojmë se deri më tani Shqipëria ka fituar dy medalje në Lojërat Mesdhetare me mundësit e stilit të lirë, teksa Zelimkhan Abakarov mori të artën, ndërsa Islam Dudaev të bronztën.
PANORAMASPORT.AL
NDIQE LIVE "PANORAMA TV"