Situatë alarmante tek Atletiko Madrid, përpara ndeshjes së Ligës së Kampionëve kundër Interit që do të zhvillohet më 20 shkurt. 

Gjatë duelit të ditës së sotme në La Liga kundër Seviljas, Alvaro Morata u detyrua të largohej nga fusha për shkak të një problemi në gjurin e djathtë pas një përplasjeje të ashpër kundër Soumare. 

Ish-sulmuesi i Juventusit dhe Realit, u ul në stol teksa shpërtheu në lot, duke lënë të kuptohet që dëmtimi i tij do të jetë serioz. 

Gjendja e tij do të duhet të rivlerësohet qartë në orët e ardhshme, por shprehja e tij dhe shqetësimi në fytyrat e shokëve të skuadrës dhe anëtarëve të stafit mjekësor të “Colchoneros” tregojnë se Moratës mund t’i duhet të qëndrojë për një kohë të gjatë jashtë fushave të blerta.  

PANORAMASPORT.AL

NDIQE LIVE "PANORAMA TV"

---