“Qeveria ka dhënë ndihma për më pak se 10 mijë familje”- PD publikon dokumentin dhe denoncon: Kryeministri po gënjen, e vërteta është…

Apr 26, 2020 | 19:48
SHPËRNDAJE

Sekretari i Përgjithshëm i PD-së, Gazment Bardhi ka akuzuar qeverinë se numri i familjeve të ndihmuara për kapërcimin e krizës së koronavirusit, është shumë më e vogël se sa thuhet.

Me një shënim në facebook, ndërsa poston edhe një dokument, Bardhi shkruan se ndërsa qeveria njofton se po ndihmohen 10 mijë familje në ditë, 250 mijë familje gjithsej, në realitet, sipas tij, janë ndihmuar më pak se 10 mijë familje për 50 ditë.

gaz bardhi

Të japësh 9 059 pako me ushqime dhe të thuash që ke ndihmuar 250 mijë familje nuk është thjesht një gënjeshtër e radhës. Është një përpjekje kriminale për të mbuluar me propagandë vështirësitë reale që kanë qytetarët për të siguruar jetesën dhe mbijetesën“, shkruan mes të tjerash Bardhi.

Postimi i plotë:

Rreth orës 21.00 të çdo mbrëmje, qytetarët shqiptarë ushqehen me një gënjeshtër të re nga Edi Rama.

Përmes regjimit të facebook-ut, ai njofton se qeveria ka furnizuar me ndihma rreth 10 mijë familje në ditë, 250 mijë familje gjithsej që nga mbyllja e ekonomisë. Kjo është një nga talljet e tij të zakonshme me shqiptarët që po vuajnë pasojat e keqmenaxhimit të krizës.

Kjo është një gënjeshtër e shëmtuar e kllounit që kemi për kryeministër, i cili nuk do t’ia dijë për mijëra familje në nevojë dhe biznese pa asnjë të ardhur që i ka lënë në mëshirë të fatit.

E vërteta është shumë larg asaj që propagandon Edi Rama çdo mbrëmje. Megjithëse numri i atyre që kanë mbetur pa punë, i atyre që kanë më pak të ardhura ose që nuk kanë fare të ardhura është rritur ndjeshëm, qeveria ka shpërndarë më pak 10 mijë pako ushqimore për 50 ditë. Më saktë, 9 059 pako ushqimore nga Rezervat e Shtetit, siç tregojnë të dhënat zyrtare të Agjencisë për Mbrojtjen Civile.

Kjo do të thotë se qeveria ka furnizuar me ushqime,  mesatarisht, 3 familje në ditë për çdo bashki të vendit. Atëherë ku shkuan 1.5 milionë euro të cilat ia dha klientit të vet të preferuar për të furnizuar me ushqime Rezervën e Shtetit?

Të japësh 9 059 pako me ushqime dhe të thuash që ke ndihmuar 250 mijë familje nuk është thjesht një gënjeshtër e radhës. Është një përpjekje kriminale për të mbuluar me propagandë vështirësitë reale që kanë qytetarët për të siguruar jetesën dhe mbijetesën. Regjimi i facebook-ut të Edi Ramës nuk e ndryshon dot faktin se sonte me mijëra fëmijë do të flenë me barkun bosh për shkak të dështimit të tij për t’u ardhur vërtet në ndihmë.

2a0adc9d-c2b2-4a8b-89d1-aa67940d4cac

NDIQE LIVE "PANORAMA TV" © Panorama.al

Te lidhura