Ajo është një nga dietologet më të famshme në vendin tonë. Blerina Bombaj gjithmonë kujdeset që të këshillojë siç duhet ndjekësit e saj në rrjetin social “Instagram”, që të kenë një jetë më të shëndetshme.
Por postimi i saj i fundit nuk është pritur aspak mirë nga fansat e saj të cilët e kanë “masakruar” me komente. Ajo postoi një foto ku shfaqeshin katër çifte, ku meshkujt mbajnë në kurriz të dashurat e tyre, ndërkohë që njëra nga vajzat për shkak të mbipeshës qëndron përpara të dashuritë të saj.
“Dikush t’i tregojë kësaj vajzës së mesit që zgjidhja është Blerina Diet. Kush nuk e merr dot me humor këtë status, të kalojë në faqe tjetër për moralin” , ka shkruar ajo në postimin e saj.
Pikërisht ky mbishkrim në foto, solli reagime të menjëhershme nga komentuesit, duke e kritikuar për atë që kishte shkruajtur.
“Po nëse ndihet mirë ashtu siç është?! Pse duhet ti heqim njerëzve dëshirën e të ushqyerit sipas dëshirës?”, i shkruan njëra nga ndjekësit.
“Ky postim është mjaftë ofesniv, ajo ndoshta ndihet mirë me trupin e saj dhe ti sje askush për ta gjykuar.”, është një tjetër koment.
Mirëpo ndonëse Blerina e sqaroi se nuk donte të ofendonte askënd, fansat kanë vijuar me komentet, gjë që bëri që Blerina të fshijë postimin e saj.
Panorama Plus
NDIQE LIVE "PANORAMA TV" © Panoramaplus.al