Këngëtarja Fjolla Morina shpeshherë vihet në qendër të vëmendjes për shkak të fotove provokuese që poston në profilin e saj në “Instagram”. Në fotot që ajo poston, shumë herë nuk lë fare hapësira për imagjinatë.
Por, së fundmi, Fjolla është vënë në qendër të vëmendjes për shkak të një deklarate të saj. Këngëtarja e ka pranuar se do të pranonte të kalonte një natë me një biznesmen, por për një shifër shumë të madhe.
“1 milion euro, po, vallai”, tha ajo. Natyrisht, ajo që mund të thuhet është se këngëtarja i ka habitur të gjithë me këtë deklaratë, pas së cilës ka pasur shumë reagime.
Kujtojmë këtu se Fjolla Morina është nëna e dy vajzave dhe për këtë arsye edhe është kritikuar më shumë nga ndjekësit, për të cilët kjo deklaratë është e tepërt për një nënë. Kujtojmë që ajo njihet si personazh i lirshëm dhe që nuk ka tabu të tilla.
Madje, mund të themi se është aq e hapur sa në intervistat e saj nuk mungon asnjëherë fjala “seks”. Para tre vitesh, duke rrëfyer momente nga jeta e saj për revistën “Kosovarja”, ajo tregoi se është martuar shumë herët, ende pa i mbushur 17 vjeç, kur edhe e ka lindur vajzën e parë.
Ajo, gjithashtu, tregon se në atë moshë të re kishte pasur për herë të parë të dashur dhe se marrëdhënien e parë seksuale e ka kryer pasi u martua. Por duket se përfshirja në muzikë e ndryshoi jo pak vajzën konservatore e martuar sipas traditave.
Përveç disa klipeve ku bën performanca seksi, ajo u bë hit me “trileçen”, ku i këndonte marrëdhënies seksuale me tre persona. Ndërkohë, e ftuar në emisionin “Zonë e Lirë” të Arian Çanit, ajo dha detaje mbi seksualitetin e saj. Kjo për shkak se jo rrallëherë është parë duke u puthur me femra të tjera të bukura. Pikërisht për këtë hob ajo përmendi edhe puthjen me Shkenda Dubovën.
Ajo hodhi poshtë dyshimet se mund të jetë lesbike dhe sqaroi se atë puthje të dyshimtë e ka bërë si një puthje shoqërore. Ndërsa, përsa i përket pyetjes se a ka bërë seks treshe, ajo mohoi duke theksuar se nuk e kishte provuar kurrë këtë eksperiencë, pavarësisht se në këngën e fundit i këndon pikërisht një marrëdhënie të tillë seksuale. Këngëtarja 33-vjeçare është ndër të rrallat që e ka pranuar publikisht se ka pasur ndërhyrje në trupin e saj, duke filluar nga buzët e deri te vithet.
Disa vite pas ndarjes nga bashkëshorti, Fjolla nisi një lidhje të re, nga e cila erdhi në jetë vajza e saj e dytë. Fatkeqësisht, edhe kjo lidhje përfundoi disa muaj para lindjes së vajzës së tyre.
Fjolla e nisi muzikën si hobi, të cilin pastaj e ktheu në profesion, pasi, siç thotë, këtë talent e ka trashëguar nga e ëma. Si shumë këngëtarë, edhe Fjolla u bë e njohur me performancat e saj në festivale që nga viti 2006.
Në vitin 2017, ajo mori pjesë në “Kënga Magjike 2017” me këngën “Shake”, në bashkëpunim me Blasta. Sa i takon jetës private, ajo së fundi u përfshi në një marrëdhënie të komplikuar, pasi u përfol se i kishste marrë të dashurin milioner Sasha Sobhanin, mikeshës së saj Morena Taraku./ Panorama Plus
NDIQE LIVE "PANORAMA TV" © Panorama.al
