Kryetari i Grupit Parlamentar të PD, Gazment Bardhi ne një postim në rrjetet sociale thotë se Belinda Balluku mban peng Edi Ramën, prandaj kryeministri nuk e shkarkon ate edhe pse u mor e pandehur nga SPAK.
“Praktikisht është njeriu më i pushtetshëm sot në Shqipëri! Prandaj Edi Rama e ka frikë dhe nuk guxon ta shkarkojë! Ajo e mban peng Edi Ramën me pushtetin që vetë ai i ka dhënë për të kryer aferat korruptive më të mëdha në historinë e Shqipërisë”, shkruan Gazment Bardhi.
Me ironi Bardhi thote se “Shqipëria “Europiane” me Zëvendëskryeministër të pandehur për abuzime me tendera publik në të paktën 50 milion euro të vjedhura është rruga e duhur për tu bashkuar me Afrikën”!
Postimi i Gazment Bardhit
Belinda Balluku ka më shumë tituj/pozicione politike/publike se vetë Edi Rama!
Ajo rezulton se aktualisht është:
Zëvendëse e “Palloshit të gjatë” siç e quante vetë nëpër sms në Këshillin e Punëve të Pista (ZëvendësKryeministre); Ministre e Energjisë, Tuneleve dhe Rrugëve të florinjta (Ministre); Deputete e interesit personal (Deputete); Drejtuese Politike e qarkut të “Torta Belinda” (Drejtuese Politike qarku Fier); Drejtuese Politike e qarkut ku kryetar bashkie është i korruptuari tjetër Erion Veliaj (Drejtuese Politike qarku Tiranë); Anëtare e një fisi të bukur (Bërë me paratë e shqiptarëve);Dhe së fundmi, titulli më me shumë peshë:
E PANDEHUR nga SPAK për abuzim madhor me tenderin 190 milion euro! (Kandidate për banore e Burgut të Grave në Pojskë).Pra, praktikisht është njeriu më i pushtetshëm sot në Shqipëri! Prandaj Edi Rama e ka frikë dhe nuk guxon ta shkarkojë! Ajo e mban peng Edi Ramën me pushtetin që vetë ai i ka dhënë për të kryer aferat korruptive më të mëdha në historinë e Shqipërisë.
Shqipëria “Europiane” me Zëvendëskryeministër të pandehur për abuzime me tendera publik në të paktën 50 milion euro të vjedhura është rruga e duhur për tu bashkuar me Afrikën!
Drejt Shqipërisë 2030 në AFRIKË!
