Selena Gomez ka emocionuar rrjetin me një urim të ndjerë për ditëlindjen e motrës së saj të vogël, Gracie Teefey, e cila mbushi 12 vjeç.
Në një postim të veçantë në Instagram, këngëtarja dhe aktorja 32-vjeçare ndau një seri fotografish që dokumentojnë lidhjen e fortë që kanë ndërtuar me vite – që nga koha kur Gracie ishte foshnje, deri në momente të fundit plot dashuri dhe përkushtim.
“Gëzuar ditëlindjen motrës sime të vogël,” shkroi Selena në mbishkrimin e postimit. “Zemra më shkrihet duke e shkruar këtë, sepse e di që ti e di, unë do të jem gjithmonë në anën tënde. Të dua.”
Postimi u prit me përzemërsi të madhe nga fansat, duke marrë mbi 2.8 milionë pëlqime dhe komente nga figura të njohura si Lily Collins dhe Ashley Park, raportoi Daily Mail.
Albumi i fotove përfshinte kujtime nga premierat ku dy motrat janë shfaqur bashkë, si ajo e Frozen II, si dhe çaste më intime në shtëpi, në pizhame, darka familjare dhe festa. Këto pamje treguan më shumë sesa një marrëdhënie motrash, ato zbuluan një dashuri të thellë, një lidhje të pazëvendësueshme.
Urimi vjen në një kohë kur fansat kanë ngritur shqetësime mbi shëndetin e Selena-s, pas një videoje të fundit ku ajo u pa duke përdorur një pajisje që ngjante me një cigare elektronike. Megjithatë, ajo vazhdon të qëndrojë e fortë dhe e përkushtuar, veçanërisht ndaj familjes.
Ky gjest i ëmbël e përforcon figurën e Selena-s si një motër e përkushtuar, por edhe si një shembull frymëzimi për miliona ndjekës në mbarë botën, duke treguar se dashuria familjare është më e rëndësishmja, sidomos në momentet kur njerëzit kanë më shumë nevojë për të.
© Panoramaplus.al