15-vjeçari britanik Owen Cooper, ylli i serialit të suksesshëm “Adolescence”, po përgatitet të shkruajë histori në botën e televizionit. Aktori i ri është përfolur si favorit për t’u nominuar në Emmy Awards, një nga ngjarjet më prestigjioze të industrisë televizive.
Cooper, një nxënës nga Warrington, bëri debutimin e tij me rolin tronditës të Jamie Miller, një adoleshent i dyshuar për vrasje, në serialin e Netflix që ka marrë vlerësime të larta si nga kritikët, ashtu edhe nga publiku ndërkombëtar.
Pjekuri artistike që ka habitur industrinë
Performanca e tij është përshkruar si “jashtëzakonisht e pjekur për moshën e tij”, ndërsa shumë e shohin si një prej interpretuesve më të spikatur të vitit në kategorinë e aktorëve dytësorë.
Një hap larg thyerjes së një rekordi historik
Nëse Cooper jo vetëm nominohet, por edhe fiton, ai do të bëhet mashkulli më i ri ndonjëherë që fiton një Emmy. Aktualisht, ky rekord mbahet nga Scott Jacoby, që në vitin 1973 fitoi në moshën 16-vjeçare për rolin në “That Certain Summer”. Ndërsa fituesja më e re e të gjitha kohërave është Roxana Zal, e cila në vitin 1984 fitoi në moshën 14-vjeçare.
Një lëvizje e zgjuar strategjike
Ekipi i Cooper ka zgjedhur që ai të kandidojë në kategorinë “Aktori më i mirë dytësor”, në vend të asaj për “Aktorin më të mirë kryesor”. Ekspertët e industrisë e kanë përshkruar këtë si një lëvizje strategjike gjeniale, që mund t’i rrisë ndjeshëm shanset për triumf në një garë të fortë.
Sytë drejt të martës
Ndërsa komuniteti televiziv pret me padurim shpalljen zyrtare të listës së nominimeve këtë të martë, Cooper është tashmë një nga emrat më të lakuar të momentit. Ai konsiderohet si një yje në ngritje, që jo vetëm ka mahnitur me talentin e tij, por po sfidon edhe stereotipet e moshës në industrinë më të madhe të argëtimit në botë.
© Panoramaplus.al