Pasi vendosi gjurmët e duarve dhe këmbëve të tij në çimenton e famshme TCL Chinese Theatre në Hollywood, Kevin Hart ka reflektuar mbi këtë vit.
Aktori e ka quajtur “vitin e ferrit”, ndërsa u shpreh se nuk mund t’i shpjegonte dot emocionet e tij pas nderimit.
“Fjalët nuk mund të shpjegojnë emocionin tim tani. 2019 ka qenë një vit ferri për mua,”-shkroi 40-vjeçari.
Ndërsa më pas shtoi se është falënderues ndaj të gjithëve që e ndihmuan të rritej kaq shumë në karrierë.
“Vlerësimi im për jetën është shumë më i lartë se çka qenë ndonjëherë. Gjithmonë po bëj progres. Ndërsa po përpiqem të përmirësoj veten akoma më shumë.
Mënyra më e mirë për ta bërë këtë është duke dëgjuar dhe pranuar për të mësuar. Jam kaq falënderues ndaj familjes, miqve, fansave. Pa ju asgjë nga këto nuk do ishte e mundur,”-u shpreh ai.
Më pas Hart publikoi një seri fotosh nga momenti i vendosjes së gjurmëve të tij në çimentoi përkrah aktorëve si Karen Gillan, Will Ferrell dhe miku më i ngushtë Dwayne “The Rock” Johnson.
Muajin e kaluar, aktori zbuloi se do publikojë një dokumentar me 6 pjesë në Netfilx të titulluar “Don’t F**k This Up”, që sipas tij reflekton mbi ngjarjet që i kanë ndodhur në jetën e tij dhe personin që është sot.
