Paris Jackson, vajza e ikonës së muzikës pop, Michael Jackson, ka ndarë me ndjekësit e saj disa foto nudo dhe artistike nga jeta e saj në Kaliforni, ku shfaqet duke pushuar pranë liqenit me të fejuarin, producentin Justin Long, 46 vjeç.
Në fotot e publikuara në Instagram, 27-vjeçarja duket pa bluzë, veshur vetëm me një palë mbathje të zeza, ndërsa shijon qetësinë e natyrës dhe relaksohet buzë ujit. Në një nga imazhet, ajo shihet e qeshur pranë Justin, me të cilin është në një lidhje prej më shumë se dy vitesh dhe janë fejuar në dhjetor të vitit të kaluar.
Në përshkrimin e fotove, Paris shkroi “Shtëpi e ëmbël, Kaliforni”, një frazë që fansat e interpretuan si një referencë të ndjeshme ndaj fëmijërisë së saj në fermën ikonike Neverland të babait të saj, Michael Jackson.
Përmes stilit të saj të veçantë, Paris nuk hezitoi të tregojë tatuazhet e shumta që zbukurojnë trupin e saj, duke i shoqëruar me varëse të ndryshme. Ajo bëri edhe një shaka në rrjete sociale: “Motoja ime është: bëj tatuazhin. Familja jote është tashmë e zhgënjyer nga ty.”
Këto foto vijnë vetëm disa javë pasi ajo reagoi ndaj kritikave të ndjekësve që e qortuan për mungesën e një postimi në përvjetorin e vdekjes së babait të saj. “25 qershori ishte një datë e rastësishme që u caktua për performancën time. Nuk i zgjedh unë datat. Është një ditë e vështirë për familjen time,” tha ajo në një video në Instagram.
Me postimet e saj të sinqerta dhe të drejtpërdrejta, Paris vazhdon të sfidojë pritshmëritë dhe të mbrojë stilin e saj të lirë, duke ndarë me ndjekësit anët më reale dhe autentike të jetës së saj.
© Panoramaplus.al