Pas përjashtimit nga “Përputhen”, Shqipe Hysenaj ka qenë në qendër të vëmendjes për shkak të deklaratave që ka bërë për disa nga konkurrentët e tjerë që janë ende pjesë e këtij programi.
28-vjeçarja publikoi dje në llogarinë e saj ën Instagram një regjistrim të autores së programit, Olsa Muhametit, e cila dëgjohej duke thënë se çdo gjë është “show” aty brenda.
Pas kësaj prove, Shqipja zbuloi se nuk do të merrej më me “Përputhen”.
Por, pavarësisht kësaj, ajo deklaroi se ka shumë prova të tjera, por ka zgjedhur që ta mbyllë me kaq.
“Çdo gjë që ju premtova e nxora, ju thashë që të gjithë janë fallco dhe dyfytyrësha dhe këtë e tregova me fakte dhe jo me fjalë.
Askush nuk mund ta mbulojë të vërtetën me gënjeshtër pa pasur prova. Kam shumë gjëra të tjera për të nxjerr, por këtë kapitull e mbyll këtu”,- shkruante Hysenaj.
Shqipja u përjashtua për shkak se bullizoi dy nga konkurrentët e tjerë në studio.
Gjatë kësaj periudhe, ajo ka publikuar në rrjete sociale fakte që sipas saj, tregojnë se Andi Shehu dhe Tea Trifoni njihen që para shumë vitesh.
Më pas, bashkë me Arjon Lulin, lëshuan “bombën” e radhës, duke publikuar në Instagram një foto të Ana Lleshit me Lulin në krevat.
Momentalisht, produksioni ka vendosur që Arjoni dhe Ana të jenë të pezulluar përkohësisht.
