Një ish-modele e Victoria’s Secret e cila jeton në Neë York dhe familja e saj u rrëmbyen nën kërcënimin e armëve dhe u mbajtën në një kasolle në Brazil për 12 orë.
Luciana Curtis, burri i saj dhe vajza e tyre 11-vjeçare u kapën nga njerëz të maskuar teksa dilnin nga një restorant në Alto da Lapa, një lagje luksoze në Zonën Perëndimore në Sao Paulo.
Ata u dërguan në një kasolle në një zonë rurale të shtetit të Sao Paulos dhe u mbajtën atje për 12 orë shkruan Daily Beast.
Banda transferoi para në llogaritë bankare të grupit kriminal si edhe vodhi makinën e çiftit, një GWM Haval, me vlerë më shumë se 33,000 dollarë.
Shumat e vjedhura nuk janë treguar ende nga modelja 47 vjeçe dhe bashkëshorti i saj, fotografi Henrique Gendre, 53 vjeç.
Ishte vajza e madhe e çiftit e cila lajmëroi policinë pasi familja e saj nuk u kthye nga restoranti.
Megjithatë, banda kishte liruar tashmë prindërit dhe vajzën rreth orës 10:30 të mëngjesit të së enjtes.
Policia tha se treshja “paraqiti një gjendje emocionale shumë të tronditur” ndërsa zyra e shtypit e Curtis tha se familja “është pak më mirë tani”.
Curtis është vajza e biznesmenit britanik Malcolm Leo Curtis. Ajo e ndan kohën e saj mes Nju Jorkut, Sao Paulos dhe Londrës.
Ajo ka modeluar për Victoria’s Secret, Harrods dhe H&M.
View this post on Instagram
View this post on Instagram
View this post on Instagram
© Panoramaplus.al
