Ylli i Hollywood-it, Tom Cruise, ka marrë çmimin e tij të parë Oscar, duke nderuar 40 vitet e karrierës së tij të pasur në kinemanë botërore.
Ceremonia e 16-të e Governors Awards u mbajt në Ray Dolby Ballroom, ku emrat më të mëdhenj të industrisë së filmit u mblodhën për të festuar kontributin e përjetshëm të personaliteteve të artit të shtatë.
Aktori 64-vjeçar u ngjit në skenë nën tingujt e njohur të kolonës zanore të “Mission: Impossible”, duke marrë duartrokitje të gjata dhe të ngrohta nga publiku. Çmimin ia dorëzoi regjisori meksikan Alejandro González Iñárritu, me të cilin po bashkëpunon në filmin e tij të ardhshëm, i cili pritet të dalë në 2026.
Tom Cruise delivers an emotional speech as he accepts an honorary Oscar at the 2025 Governors Awards: “Making films is not what I do. It is who I am.”
Read more here: https://t.co/KCzEuP2inM pic.twitter.com/X2z05yFdgy
— Variety (@Variety) November 17, 2025
Në fjalimin e tij, Cruise u shpreh: “Të bëj filma nuk është ajo që bëj, është kush jam unë… pavarësisht nga vjen, në një sallë kinemaje qeshim, ndiejmë, shpresojmë së bashku, dhe kjo është fuqia e këtij Arti.”
Ai gjithashtu premtoi të vazhdojë të mbështesë zëra të rinj krijues dhe të mbrojë atë që e bën kinemanë të fortë, duke bërë edhe një shaka tipike të aksionit:
“Shpresoj pa shumë thyerje të tjera kockash.”
Përveç Cruise, çmime nderi iu dhanë edhe aktores Debbie Allen për filmin “Fama”, dizajnerit të prodhimit Win Thomas, dhe këngëtares Dolly Parton, e cila mori Çmimin Humanitar Jean Hersholt për kontributin e saj filantropik dhe bibliotekën që i ka dhuruar më shumë se 300 milionë libra fëmijëve në të gjithë botën.
© Panoramaplus.al