Tom Cruise dhe Ana de Armas kanë ndezur thashethemet se ata mund të jenë çift pasi u panë nën shoqërinë e njeri-tjetrit një natë në Soho të Londrës në ditën e Shën Valentinit.
Sipas Daily Mail, ylli dhe aktorja janë fotografuar më 13 shkurt, pas darkës në zonën e famshme Square Mile. Të dy nuk kanë nguruar të bëjnë foto me fansat e tyre dhe të bisedojnë me ta për disa minuta, përpara se të hipin në taksi. Dyshja janë parë në humor të mirë, duke u buzëqeshur ngrohtësisht kalimtarëve që i njihnin.
Ana de Armas ka shprehur edhe më parë admirimin e saj për Tom Cruise, duke folur për USA Today për kërkesat e skenave të aksionit në filmin “Ghosted”, ku ka punuar me Chris Evans.
“Është kërkuese, është e dhimbshme dhe trupi të dhemb kudo, por në të njëjtën kohë është shumë kënaqësi kur e sheh veten duke u përmirësuar. Plus, është argëtuese.”
Mirëpo, aktorja e kishte pranuar se ende nuk është në nivelin e Tom Cruise kur bëhet fjalë për skenat e rrezikshme.
“Unë nuk jam ende në nivelin e Tom Cruise, por tani e vlerësoj 100% atë që ai bën dhe e kuptoj plotësisht pse e bën atë. Ai është vërtet mbresëlënës ”, është shprehur aktorja.
Marrëdhënia e tyre duket se është e ngushtë, pasi në dhjetor janë parë duke shijuar sërish darkën së bashku. Së fundmi, sipas Daily Mail, Cruz u pa duke shoqëruar Ana de Armas në Chiltern Firehouse të Londrës.
© Panoramaplus.al