Tetë muaj pas ndarjes tragjike nga jeta të Liam Payne, partnerja e tij e fundit, Kate Cassidy, ka ndarë me publikun një postim emocional, ku flet për dhimbjen që ende e përjeton dhe boshllëkun që ka lënë pas mungesa e tij.
Liam Payne humbi jetën në mënyrë të papritur më 16 qershor, pas një rënie fatale nga ballkoni i një hoteli në Buenos Aires, Argjentinë, një ngjarje që tronditi fansat dhe opinionin publik në mbarë botën.
Në postimin e saj në rrjetet sociale, Kate rrëfeu se ndjenja e mungesës është bërë pjesë e përditshmërisë së saj. Ajo e përshkruan Liam-in si “shokun më të mirë” dhe një njeri me të cilin mendonte se do të ndante ende shumë kohë e momente në jetë.
“Disa muaj më parë, humba shokun tim më të mirë dhe një person me të cilin mendoja se kishim ende shumë kohë dhe jetë për të ndarë. Liam ishte një nga ata njerëz që të mungojnë që nga momenti kur dera mbyllet pas teje. Kur largohesha nga shtëpia për disa orë, mezi prisja të kthehesha tek ai. Të dish që fakti se nuk mund të shkoj në shtëpi dhe nuk mund të të shoh, të dëgjoj zërin tënd, ose të ndiej përqafimin tënd, është një dhimbje që nuk mund ta shpreh me fjalë. Nuk e di nëse jeta kalon kaq shpejt pa ty apo nëse lëviz ngadalë. Po përpiqem të vazhdoj sa më mirë që mundem, dhe ta jetoj atë për ty. Më mungon më shumë sesa mund të thonë fjalët. Një ditë do të të shoh përsëri dhe do të kem kaq shumë për të të thënë. Të dua, engjëlli im,” shkruan Kate.
© Panoramaplus.al