Cristiano Ronaldo ka ndezur thashethemet se ai dhe partnerja e tij prej shumë vitesh, Georgina Rodriguez, janë martuar.
Ylli 39-vjeçar i futbollit iu referua partneres së tij si “gruaja e tij” gjatë një video stërvitje për markën e tij të fitnesit, të cilën ai e ngarkoi në Instagramin e kompanisë më 29 korrik. Gjatë intervistës në palestrën e shtëpisë së tij, ai tregoi disa nga gjërat që bën në kohën e lirë kur nuk është duke u stervitur.
” Gjëja më e rëndësishme është se nuk është ajo që bëni, por ajo që duhet të bëni,” tha ai. “Kur nuk jam duke u stërvitur me ekipin, më pëlqen të punoj me gruan time në shtëpi, sepse unë mund ta motivoj atë dhe ajo mund të më motivoje mua”.
View this post on Instagram
Në komentet e videos në Instagram, e cila ka më shumë se 529,000 pëlqime, shumë fansa pyetën nëse atleti i referohet Rodriguez si “gruaja ” e tij, sepse ata janë të martuar.
” A tha ai gruaja ime? A janë martuar fshehurazi tani?” ka shkruar njëri, ndërsa një tjetër shton: “Cristiano kur u martove, ti e quan ‘gruaja ime’.
” Ai tha ‘gruaja ime ‘,” komentoi një i tretë.
Megjithatë, publicisti i atletit i tha People se nuk mund të konfirmonte nëse Ronaldo është i martuar me Rodriguez. “Për momentin, nuk mund ta konfirmoj dhe as ta mohoj që Cristiano është i martuar me Georgina. Thjesht nuk e di,” thuhet në deklaratë.
