Nejmar do t’i nënshtrohet një operacioni në këmbën e djathtë, dhe për këtë arsye ka udhëtuar për në Brazil, por polemikat duket se nuk po i ndahen. Nga spitali i qytetit të Belo Horizontes, në Brazil, ku Nejmar do t’i nënshtrohet operacionit, sulmuesi ka postuar një foto, që është pasuar me një lumë kritikash.
Sulmuesi i PSG shfaqet në karrocën me rrota dhe me të dashurën e tij në prehër, ndërsa mediat franceze e kanë kritikuar për këtë zgjedhje që ka gjetur për t’u rikuperuar.
Nejmar do të operohet nga mjeku i Kombëtares Braziliane dhe pritet të rikthehet vetëm në prag të kampionatit botëror ‘Rusi 2018’.
