Taylor Swift dhe Travis Kelce do të martohen në New York City këtë verë. Futbollisti amerikan i propozoi yllit të popit gushtin e kaluar, pas dy vitesh lidhje, në një ambient romantik në kopshtin e rezidencës së tij në Kansas.
Sipas Page Six, çifti do ta zyrtarizojë lidhjen e tyre më 3 korrik. Siç i tha një burim një tjetër mediaje, Daily Mail, të ftuarve iu kërkua të konfirmonin pjesëmarrjen e tyre duke nënshkruar një marrëveshje konfidencialiteti (NDA) kur u dërguan ftesat, në një përpjekje për të mbajtur sekret detajet e dasmës.
Zgjedhja e vendndodhjes është e habitshme, pasi fansat kishin spekuluar se dasma e shumëpritur do të zhvillohej në rezidencën 17 milionë dollarëshe të Swift në Rhode Island. Sigurisht, këngëtarja mban gjithashtu lidhje të gjata me Nju Jorkun.
Taylor Swift and Travis Kelce’s wedding date and location revealed as save the dates go out https://t.co/WDqPHVbKU7 pic.twitter.com/JmcrDyr7yY
— Page Six (@PageSix) April 9, 2026
Në vitin 2014, ajo bleu dy apartamente në zonën e Tribeca-s, të cilat më vonë i kombinoi në një apartament të madh me dy kate. Ajo ka blerë gjithashtu një apartament me dy kate dhe një papafingo. Ylli madje i ka kushtuar një këngë qytetit. Kënga është “Welcome to New York”, e cila u publikua në vitin 2014.
Burimet kishin raportuar se përgatitjet janë në kulmin e tyre dhe se këngëtarja ka vendosur tashmë kërkesa specifike se si dëshiron të jetë dita e madhe.
“Do të mbahet brenda ,” tha një burim pranë saj. “Taylor nuk dëshiron që të jetë si dasma e Selenës ,” shtoi ai, duke iu referuar dasmës së shoqes së saj më të mirë Selena Gomez me Benny Blanco nën tenda të bardha jashtë në Santa Barbara, Kaliforni, shtatorin e kaluar.
Vlerësohet se shqetësimi kryesor është sigurimi i privatësisë, diçka që nuk mund të arrihej plotësisht në një hapësirë të hapur.
“I gjithë eventi do të regjistrohet,” sipas të njëjtit burim, i cili vuri në dukje se Swift mund të dëshirojë të ndajë momente të caktuara me fansat e saj.
.jpg)
