Seksi pas menopauzës është një përvojë ndryshe për çdo grua në mënyrën sesi ato e përjetojnë, pasi i sjell atyre ndryshime në trup. Sfidë kryesore mbetet marrëdhënia seksuale me partnerin ose bashkëshortin, pasi përvoja nuk duhet të ndërpritet pavarësisht sfidave që përjeton me trupin e saj çdo grua.
Të gjithë përjetojnë ndryshime të ndryshme në trupin e tyre, megjithatë ka disa pika të përbashkëta me të cilat do të përballen shumica e femrave. Disa prej tyre kanë të bëjnë me jetën dhe përvojën seksuale. Një rënie në prodhimin e estrogjenit zakonisht barazohet me një epsh më të ulët , por edhe me thatësi vaginale, e cila mund të çojë në marrëdhënie të dhimbshme. Megjithatë, kjo nuk do të thotë se një grua nuk mund të shijojë më seksin.
“Menopauza sjell një sërë ndryshimesh në funksionin seksual, të cilat mund të bëjnë që gratë të shmangin seksin. Megjithatë, kënaqësia seksuale luan një rol të rëndësishëm në shumë aspekte të shëndetit të përgjithshëm. Ajo lidhet drejtpërdrejt me kënaqësinë nga jeta, cilësinë e jetës, lumturinë martesore dhe mirëqenien e përgjithshme”, thotë Dr. Catherine Hansen.
Çfarë mund të bësh?
Ka disa strategji për të rritur dëshirën tuaj seksuale gjatë menopauzës, por edhe për të siguruar një përvojë seksuale të kënaqshme. Qofshin masa të thjeshta të vetëkujdesit apo ndërhyrje mjekësore, gjëja e rëndësishme është të gjeni atë që funksionon më mirë për ju.
Dy faktorët kryesorë që ndikojnë në seksin në menopauzë:
Përdorni lubrifikantë dhe hidratues:
Produktet me bazë uji dhe hidratuesit vaginal ndihmojnë në lehtësimin e thatësisë vaginale dhe shqetësimit gjatë marrëdhënies seksuale. Megjithatë, përpara se të përdorni ndonjë produkt të ri, provojeni atë në një zonë “të sigurt”, si p.sh. prapa veshit, për t’u siguruar që nuk shkakton acarim.
Eksploroni terapinë hormonale:
Nën drejtimin e një specialisti, mund të ndihmojë në balancimin e niveleve të hormoneve dhe në zbutjen e simptomave që ndikojnë në jetën seksuale.
Komunikoni me partnerin:
Sipas një artikulli të Harvard Health Publishing, komunikimi me partnerin tuaj është thelbësor për një marrëdhënie të shëndetshme seksuale. Komunikimi i hapur dhe i sinqertë për nevojat, dëshirat dhe shqetësimet tuaja mund të nxisë lidhje më të thellë emocionale dhe intimitet.
Provoni poza dhe teknika të ndryshme:
Eksperimentimi me pozicione ose teknika të reja që i japin përparësi rehatisë dhe minimizojnë shqetësimin mund t’ju ndihmojë të zbuloni se çfarë funksionon më mirë për ju.
Kërkoni udhëzime profesionale:
Nëse jeni duke përjetuar vështirësi të vazhdueshme, mendoni të konsultoheni me një ekspert, i cili do t’ju udhëheqë duke sugjeruar zgjidhje të specializuara për problemin tuaj.
Përqendrohuni në kujdesin për veten:
Kujdesi për mirëqenien tuaj të përgjithshme, duke përfshirë ushtrimet, teknikat e reduktimit të stresit. që mund të ndikojë pozitivisht në shëndetin tuaj seksual.
Mbani një mënyrë jetese të shëndetshme:
Një dietë e ekuilibruar, stërvitja e rregullt dhe shmangia e pirjes së duhanit, mund të përmirësojnë funksionin seksual dhe mirëqenien e përgjithshme.
Çdo grua e përjeton menopauzën ndryshe, prandaj mos kini frikë të eksploroni opsione të ndryshme për të gjetur atë që funksionon më mirë për ju. Edukoni veten, kërkoni mbështetje dhe jepni përparësi mirëqenies tuaj seksuale për shëndetin dhe lumturinë tuaj të përgjithshme. Duke zbuluar zgjidhjet që funksionojnë më mirë për ju, do të jeni në gjendje të rifitoni kontrollin e përvojave tuaja seksuale dhe të vazhdoni të shijoni seksin pas menopauzës.
© Panoramaplus.al