Gruaja e yllit të Anglisë dhe Manchester City, Kyle Walker ka bërë kërkesë për divorc.
Annie Kilner raportohet se javën e kaluar ishte takuar me avokatë për të nisur procedurat ligjore për t’i dhënë fund martesës së tyre. 31-vjeçarja, e cila u martua me Walker në vitin 2021, mësohet se ka bërë kërkesë për divorc pas zbulimit të lidhjes së futbollistit me influencueren Lauryn Goodman.
Dhe Annie Kilner po kërkon gjysmën e pasurisë së yllit anglez prej 27 milionë paund.
“Kyle u habit kur mori letrat. Ai ka folur me Annie dhe po diskutojnë hapat e ardhshëm. Kjo nuk do të thotë që ata do të divorcohen”, tha një burim për The Sun.
MailOnline pretendoi se 33-vjeçari mori letrat e divorcit 10 ditë më parë, por ai është kthyer në shtëpi, duke fjetur veçmas nga gruaja e tij.
“Ajo po divorcohet nga Kyle sepse thjesht nuk mund ta falë atë për atë që i ka bërë. Ajo nuk mund ta kapërcejë. Kyle duket se e ka pranuar se ka mbaruar”, theksoi një burim.
Çifti, të cilët u takuan kur Walker ishte 18 vjeç dhe luante për Sheffield United, kanë katër fëmijë të moshës 11, 7, 5 vjeç dhe pesë muajsh.
