“Siç ke zemrën, ashtu u bëftë”, Gaz Paja i bën dedikimin e ëmbël partneres në ditën e saj të lindjes

Ditën e djeshme, bashkëshortja e Gaz Pajës ka festuar ditëlindjen.

Ira Seferi ndau me ndjekësit në Instagram një foto, ku tregonte një nga dhuratat e bukura që ka marrë.

Krah saj qëndronte një buqetë e madhe me lule ngjyrë lejla dhe të bardhë.

Edhe pse Ira nuk e ka zbuluar personin që ia ka bërë këtë dhuratë të bukur, ajo ka marrë një mesazh të ëmbël nga partneri.

“Gëzuar zemra ime! Ira Seferi, siç e ke zemrën, ashtu u bëftë”,- ka shkruar aktori i humorit Gazi.

Çifti bashkëjeton që pas martesës, e cila u realizua një vit më parë.

Për më tepër, ata janë edhe prindër të një djali, të cilin e kanë quajtur Dard.