Mbrëmjen e djeshme (19 qeroshor) në Amfiteatrin e Liqenit në Tiranë u zhvillua spektakli i bukurisë “Miss Shqipëria 2025”, një event i konsoliduar tashmë prej 27 vitesh, duke promovuar bukurinë dhe talentin e vajzave shqiptare.
Fituesja e madhe e këtij edicioni ishte Valentina Gegprifti, konkurrentja me numrin 18, e cila rrëmbeu kurorën.
Çmimet e tjera të rëndësishme të mbrëmjes u ndanë për:
Klea Thaçi, e shpallur Shoqëruesja e Parë,
Laura Peka, e shpallur Shoqëruesja e Dytë.
Përveç titullit kryesor, mbrëmja shërbeu edhe për përzgjedhjen e përfaqësueseve të Shqipërisë në konkurse ndërkombëtare të bukurisë:
Natalia Lalaj u shpall “Miss Supranational Albania 2025”,
Gledia Preka mori titullin “Miss International Albania 2025”.
Eventi u nderua me praninë e shumë personazheve të njohur nga bota e artit, muzikës dhe televizionit. Ndër të ftuarit specialë që ndanë çmimet për konkurrentet ishin: gazetarja Anila Basha, këngëtarja Zaimina Vasjari, artistja Kejsi Tola, si dhe moderatorja e njohur Kiara Tito. Ata sollën energji, vlerësim dhe mesazhe mbështetëse për vajzat që garuan për kurorën e më të bukurës shqiptare.
© Panoramaplus.al
