Më shumë se një javë më parë, dy këngëtaret shqiptare Rosela Gjylbegu dhe Enca Haxhia pushtuan titujt e mediave rozë pas një sherri që tërhoqi jo pak vëmendje.
Në emisionin “Shiko Kush Luan” në Top Channel, Rosela u pyet se me cilën nga këngëtaret shqiptare nuk do të bënte asnjëherë bashkëpunim?
Këngëtarja shkondrane zgjodhi Encën, dhe kjo e fundit nuk e priti mirë. Ajo shkroi një status për Roselën, direkt pas deklaratës, “se ajo tashmë duhet të shkonte në shtëpi, pasi nuk dëshiron askush të dëgjojë muzikën e saj’’ .
Rosela nuk ka reaguar deri më sot rreth këtyre postimeve të Encës. Por sot e ftuar në emisionin “Kush vjen për drekë” Rosela edhe pse në fillim e ka anashkaluar pyetjen për debatin me Encën sërish ka dhënë një përgjigje rreth kësaj gjëje.
“Mendoj që po ta zgjasim shumë këtë bisedë do të ishte e tepërt, kështu që nuk kam asnjë koment. Një gjë mund të them, unë s’jam nga ata njerëz që i pëlqen të bëjë gossip apo zhurmë”,-është shprehur Rosela.
© Panoramaplus.al