Britney Spears ka folur hapur mbi arsyen përse qethi flokët në vitin 2017, pas një krize emocionale.
Këngëtarja 39-vjeçare prehu flokët me makinë rroje në një sallon flokësh pasi ish-i i saj, Kevin Federline, nuk e lejoi të shihte dy fëmijët e tyre, Sean dhe Jayden.
Ylli i popit, që është në betejë ligjore me të atit për të “shpëtuar” nga kujdestaria e tij, rrëfeu detajet në një dokumentar mbi jetën e saj.
Në dokumentar ajo tregoi arsyen përse rruajti kokën, që u mbajt e fshehtë për 12 vite.
Pasi preku flokët këngëtarja shkoi në studion e tatuazheve Body and Soul Tattoo, ku i tregoi gjithçka Emily Wynee-Hughes.
“Thjesht nuk dua askënd që të më prekë kokën, s’dua që të më prekin flokët. Jam e lodhur nga njerëzit që më prekin flokët,”- tha ajo artistes së tatuazheve.
Më pas Britney i kërkoi t’i bënte një tatuazh me buzët e një gruaje dhe një kryq të vogël.
Emily pretendon se askush në ekipin e saj nuk u përpoq ta ndihmonte ose të ndërhynte, duke shtuar: “Thjesht nuk dukej sikur ata kujdeseshin shumë. E kam ndjerë atë ndjesi ankthi dhe energjie që ndihej kaq negative. Thjesht dukej sikur të gjithë prisnin të ndodhte rrëzimi i saj.”
Incidenti i rruajtjes së flokëve ndodhi pasi ajo doli nga qendra e rehabilitimit në Antigua.
Ajo shkoi në shtëpinë e Kevin dhe i kërkoi të shihte djemtë e tyre, por ai nuk pranoi.
Kjo bëri që Britney të shkonte në një sallon bukurie dhe të qethte flokët e saj. Kur parukierja refuzoi, ajo mori makinën e rrojës dhe i preku vetë.
Pas kësaj, këngëtarja u vendos nën kujdestarinë e të atit, Jamie, i cili kontrollonte financat dhe jetën e saj personale.
Javën e kaluar, një gjykatës i LA vendosi që Jamie nuk do kontrollojë me i vetëm pasurinë e saj shumë milionëshe pas protestave publike që mbështesin lëvizjen #FreeBritney.
/Panoramaplus.al
