Për Bora Zemanin, sot është një ditë shumë e rëndësishme dhe e veçantë.
Djali i saj, Arbori, feston ditëlindjen dhe moderatorja nuk mund të mos i dedikonte disa fjalë të ëmbla.
Në këtë 6-vjetor të të voglit, Zemani ka ndarë në llogarinë e saj në Instagram disa foto shumë të bukura, krahas të cilave shkruan se është dita më e bukur e jetës së saj.
“Sa shpejt kaluan gjashtë vite nga dita më e bukur e jetës sime. Kur njoha krijesën më të ëmbël, më të dashur… mrekullinë time! Edhe 100 vite të bukura Arbor, rrezja që ngroh shpirtin tim”, shkroi moderatorja simpatike.
Ajo nuk nguron të ndajë herë pas here me publikun momentet e bukura që kalon me djalin e saj, i cili ka rrëmbyer zemrat e shumë ndjekësve me ëmbëlsinë dhe zgjuarsinë e tij.
