Katër ditë më parë, aktori i famshëm italian, Gabriel Garko pranoi gjatë emisionit “Grante Fratello VIP” se është homoseksual.
Ai rrëfeu gjithçka teksa i lexonte një letër të fejuarës së tij, ku e cilësonte marrëdhënien e tyre si “një përrallë të bukur, por asgjë më shumë”.
Por, së fundmi, gazetarja italiane, Selvaggia Lucarelli ka treguar se rrëfimi i tij është bërë kundrejt një shumë të majme.
Sipas saj, për të ndarë këtë lajm me publikun nëpërmjet ekranit të televizionit, ai është paguar plot 60 mijë euro.
“Garko gjithashtu donte që të çlirohej nga kjo barrë, por ai e bëri, sipas burimeve të mia, për shumën modeste prej 30 mijë euro për ‘Grande Fratello Vip’ dhe 30 mijë euro për ‘Verissimo’”– ka treguar gazetarja.
Megjithatë, këto lajme që po qarkullojnë së fundmi nuk janë konfirmuar ende nga Garko.
