Kanë kaluar rreth tetë vite që kur Rita Ora ishte e lidhur me Rob Kardashian, dhe mesa duket, këngëtarja e ka harruar totalisht këtë detaj.
Gjatë një interviste të realizuar së fundmi për “The Sunday times”, Rita pranoi se e ka harruar që ka pasur një lidhje me të, raporton “Daily Mail”.
Kur u pyet për lidhjen e shkuar me të, 30-vjeçarja u përgjigj:
“Oh, e kam harruar. Ishte një lidhje shumë jetëshkurtër. Unë isha shumë e re. Gjithsesi ishte mirë. Ishte qejf. Ishte shumë, shumë qejf, mendoj. Kaq mbaj mend”.
Më pas, Rita tha se shumicat e marrëdhënieve i ka pasur me personazhë të famshëm.
“Unë nuk jam gjeni në dashuri. Por është më e lehtë të njihesh me ta, apo jo?”,- tha Rita.
Ndër të tjera, ajo tha se ka kaluar momente të mrekullueshme me disa njerëz të mrekullueshëm.
“Por në gjithçka që kalon dëshiron të jesh e lumtur. Mendoj se nëse lumturia është dashuri, atëherë, po”,- u përgjigj artistja kur u pyet nëse ka qenë ndonjëherë e dashuruar.
Rita Ora dhe Rob Kardashian nisën një lidhje në tetor të 2018-ës, por pas 2 muajsh u ndanë. Pas ndarjes, Kardashian akuzoi një nga ish të dashurat për tradhti, duke nxitur spekulimet se bëhej fjalë pikërisht për Orën.
Përveç Rob Kardashian, Rita Ora ka qenë e lidhur më parë me Calvin Harris, Bruno Mars, Travis Barker, Andrew Garfield dhe djalin e Tommy Hilfiger, reperin Ricky Hil.
Rob Kardashian tashmë është baba i një vajze që e quajnë Dream, e cila erdhi në jetë nga marrëdhënia e tij me ish të dashurën, Blac Chyna.
Ndërsa Rita, është në një lidhje me Romain Gavras. Ajo rrëfeu se i kishte ngrirë vezët e saj për herë të dytë.
© Panoramaplus.al