Dy ditë më parë, Dafina Zeqiri dhe Dj Geek konfirmuan ribashkimin e tyre, duke lumturuar kështu të gjithë fansat e dyshes.
Ata e kanë uruar në çift Vitin e Ri! Këngëtarja ndau në InstaStory një video me partnerin e saj, teksa ndodheshin së bashku në makinë.
Por, jo vetëm kaq. Dafina e ka kaluar mbrëmjen e ndërrimit të viteve në shtëpinë e Geek me të afërmit e tij.
Ishte Dj i mirënjohur ai që ndau video nga mbrëmja e tyre festive ku ra në sy edhe pjesëmarrja e këngëtares.
Në disa video të shpërndara në Instastory, ai shihet me Dafinën dhe me mbesën e tij, kurse në video të tjera prindërit dhe vëllai i Geek-ut.
Ndërkohë, ditën e sotme, çifti ka ndarë një video ku shfaqet Geek duke i dhuruar një puthje në faqe Dafinës.
Para disa muajsh dyshja i habitën të gjithë pasi konfirmuan publikisht se ishin ndarë, pak kohë pasi kishin nisur lidhjen e tyre.
Zeqiri u shpreh se ishte e detyruar të zgjidhte mes të dashurit dhe punës, ndaj ajo zgjodhi këtë të fundit.
Mirëpo kjo ndarje nuk zgjati shumë dhe duket se tani ata janë shumë të lumtur bashkë.
© Panoramaplus.al