Princesha Charlene e Monakos është kthyer në Monako. 44-vjeçarja u rikthye në principatë dhe u ribashkua me familjen e saj në fillim të kësaj jave, raporton PEOPLE.
Një deklaratë zyrtare e publikuar më vonë të shtunën pasdite konfirmoi se nëna e binjakëve Princ Jacques dhe Princesha Gabriella është kthyer në shtëpi dhe do të vazhdojë “jetën në Principatë me burrin dhe fëmijët e saj”.
Charlene ka qenë nën kujdesin e mjekëve në një klinikë zvicerane që nga nëntori. Në fillim të nëntorit, Princesha, e cila kishte “lodhje emocionale dhe fizike”, shkoi vullnetarisht në një klinikë jashtë Monacos.
“Ajo e kishte marrë tashmë vendimin e saj dhe ne donim vetëm që ajo ta konfirmonte para nesh. Ajo e donte këtë. Ajo e dinte se gjëja më e mirë për të bërë ishte të shkonte të pushonte dhe të bënte një trajtim të vërtetë mjekësor,” raportoi PEOPLE në nëntor.
Princesha pritet të rifillojë detyrat e saj zyrtare gradualisht pas disa javësh. Në deklaratën zyrtare thuhet se rikthimi i saj në paraqitjet publike dhe angazhimet do të vijnë sapo shëndeti i saj të jetë i qëndrushëm. Më tej theksohet se Princesha mezi pret të kalojë edhe një herë kohë dhe të shoqërohet me popullin e Monakos.
Deklarata mbyllet me fjalët se “Princesha ka ende nevojë për qetësi, prandaj kërkohet që jeta e saj private dhe mjedisi familjar të vazhdojnë të respektohen”.
