Këngëtari i njohur Post Malone, 29 vjeç, është përfshirë në një betejë ligjore për kujdestarinë e vajzës së tij trevjeçare me ish-të fejuarën Hee Sung “Jamie” Park.
Pas ndarjes nga Jamie në nëntor të vitit të kaluar, Malone filloi një lidhje me stilisten Christy Lee, me të cilën u shfaq publikisht për herë të parë në janar gjatë një darke në Romë. Megjithatë, burimet e TMZ raportojnë se çiftit i ka ardhur fundi, duke u ndarë rreth një muaj më parë, megjithëse nuk dihet nëse ndarja ishte miqësore.
Në mes të muajit maj, Malone ka paraqitur në gjykatë një kërkesë që procedurat e kujdestarisë të zhvillohen në shtetin e Utah-ut, ku vajza e tij jeton dhe ndjek aktivitete të ndryshme si mësimet e muzikës dhe noti, si dhe ka lidhje të forta familjare dhe mjekësore. Kërkesa është paraqitur përmes avokates së tij, Laura Wasser.
Nga ana tjetër, Jamie Park ka depozituar një peticion në gjykatën e Qarkut të Los Anxhelosit, ku kërkon kujdestarinë primare dhe kohë të kufizuar për Malone-n. Sipas Malone, kjo është bërë për arsye strategjike, pasi ai beson se vendndodhja do t’i jepte ish-të fejuarës një avantazh në këtë betejë ligjore.
Çështja e kujdestarisë po ndiqet me vëmendje, ndërsa të dy prindërit përpiqen të sigurojnë të mirën më të mirë për vajzën e tyre.
© Panoramaplus.al