Familjarët e Xhesika Ndojës kanë ndarë me publikun se këngëtarja po kalon një periudhë të vështirë shëndetësore.
Sipas një postimi të bërë në rrjetet sociale nga familjarët e saj, Xhesika, aktualisht ndodhet e shtruar në një spital jashtë vendit për trajtim mjekësor.
“Të dashur miq, familjarët e Xhesikës ju informojnë se ajo po kalon një periudhë të vështirë shëndetësore dhe aktualisht ndodhet në spital jashtë vendit. Për momentin, Xhesika nuk do të jetë aktive në Instagram, as për punë, as për postime personale,” shkruhet në postim.
Ata kanë kërkuar mirëkuptimin e ndjekësve për të respektuar privatësinë e saj dhe kanë ftuar të gjithë dashamirësit që t’i bashkohen lutjeve për një shërim sa më të shpejtë.
“Ju lutemi na mirëkuptoni dhe qëndroni të respektueshëm ndaj privatësisë së saj,” përfundon mesazhi i familjes, e cila falënderon publikun për mbështetjen e treguar.
