Khloe Kardashian është përballur me një reagim të ashpër, pasi ndau me të gjithë dëshirën për të organizuar një festë Krishtlindjeje, pavarësisht nga pandemia e koronavirusit, raporton “Mirror”.
Ylli 36-vjeçar i ishte përgjigjur pyetjes së një fansi nëse pandemia i kishte prishur ndonjë plan që Kardashians dhe Jenner të mblidheshin bashkë.
Familja zakonisht i pret Krishtlindjet me një festë ekstravagante, ku njëra nga shtëpitë e tyre shndërrohet nga zbukurimet.
Vitin e kaluar ishte Kim Kardashian ajo që e organizoi, ndërsa këtë herë duket se përgjegjësinë do ta marrë Khloe.
Kur u pyet nëse festa e Krishtlindjes do të anulohej këtë vit, Khloe u përgjigj:
“Lutem që jo! Mendoj se do të jetë shumë më e vogël. Dhe unë jam shumë në rregull me këtë gjë! Por ne do i festojmë me patjetër Krishtlindjet!
Thjesht duhet të jetë e vogël dhe e sigurt. Ndoshta do të bëjmë teste të shpejta Covid-i para festës. Duhet të mendojmë çfarë është më e sigurt”.
Por kjo përgjigje e saj solli një reagim akoma më të ashpër, pasi fansave nuk u ka pëlqyer që testet e Covid-19 të përdoren për këtë qëllim, kur miliona amerikanë po dorëzohen para virusit.
Gjatë këtyre kohëve familja Kardashian-Jenner është përballur me kritika të shumta, për shkak të festës që Kim organizoi në një ishull privat me 30 të afërm për 40-vjetorin e lindjes.
© Panoramaplus.al