Pak ditë më parë, ylli i TikTok-ut, Ava Louise zbuloi se ishte ajo që kishte përhapur thashethemet se Kanye West e kishte tradhtuar Kim Kardashian me Jeffree Star.
“Thjesht mashtrova gjithë botën për të folur sërish për mua, sepse isha shumë e mërzitur. Ne të gjithë u argëtuam, apo jo? Jeni të mirëpritur për memet”- tha Ava në videon që publikoi.
Ndonëse Louise pretendon se e gjithë kjo situatë e shkaktuar prej saj është hedhur pas kahëve, familja e Kim Kardashian nuk mendon kështu.
“Daily Mail” shkruan se Kris Jenner i ka dërguar një letër paralajmëruese Avës, ku i kërkon të heshtë dhe mos të merret me Kim dhe Kanye.
Louise ka thënë se menaxheri i saj mori një letër nga Jenner Communications, kompania e Kris Jenner. Në letër thuhet se Louise duhet të ndalojë së akuzuari Kim Kardashian dhe Kanye West ose ajo mund të përballet me ligjin.
Louise i tha “DailyMail” se nuk është aspak e befasuar nga paralajmërimi, as nuk është e frikësuar. Ajo tha se ata po përpiqen të mbrojnë imazhin e familjes.
Pasi thashethemet morën dhenë, Jeffree postoi një video një kanalin e tij të YouTube, me titull “Sqarimi i situatës me Kanye”, në të cilën ai i quajti akuzat “budallalliku më i madh që kam lexuar ndonjëherë gjatë gjithë jetës sime”.
Më pas i mohoi kategorikisht akuzat se ka fjetur me Kanye. Sakaq, as Kim e as Kanye nuk kanë reaguar publikisht rreth këtij lajmi.
