Familja Kardashian njihet për festat madhështore që organizon herë pas here dhe një nga më të diskutuarat është ajo e Krishtlindjeve. Mirëpo, këtë vit festa është anuluar për shkak të pandemisë, raporton “Mirror”.
Vendimin e bëri të ditur Khloe Kardashian përmes një statusi në rrjetet sociale, ku shkroi:
“Rastet me Covid po dalin jashtë kontrollit në Kaliforni, kështu që ne vendosëm që nuk do të bëjmë një festë në prag të Krishtlindjeve këtë vit.
Është hera e parë që nga viti 1978, që nuk do të kemi një festë në vigjiljen e Krishtlindjeve. Shëndeti dhe siguria vijnë të parat! Është e domosdoshme ta marrim seriozisht këtë pandemi.”
Festa ka qenë traditë për 42 vite me radhë në shtëpinë e tyre, që në vitin 1978, mirëpo tashmë gjithçka ka ndryshuar.
Statusi i Khloe-s nxiti reagime të shumta në rrjet dhe shumë njerëz u kapën keq me familjen Kardashian, e cila nuk i ka kursyer festat gjatë pandemisë.
Kim mbajti një festë me rastin e ditëlindjes me dhjetëra të ftuar në një ishull privat, ndërsa Kendall organizoi një festë të madhe ditëlindjeje dhe Halloween-i, me shumë të ftuar VIP.
Në një pjesë të madhe të komenteve shkruhej se familja nuk e ka marrë në asnjë moment seriozisht pandeminë, duke mos i respektuar asnjëherë masat anti-Covid.
