Milioner i certifikuar!! Drake ka punuar në industrinë e argëtimit shumë kohë përpara se të bëhej një emër i njohur me muzikën e tij. Me kalimin e viteve, krijuesi i hitit “Nice For What” ka fituar një vlerë neto marramendëse prej 250 milionë dollarësh, sipas Celebrity Net Worth.
Karriera si aktor
Drake – emri i vërtetë i të cilit është Aubrey Drake Graham – u bë i njohur për herë të parë teksa luante në dramën kanadeze për adoleshentë, ‘Degrassi: The Next Generation’. 35 vjeçari ishte në mesin e kastit të shfaqjes. Ai u shfaq në dramën e preferuar të fansave si Jimmy Brooks nga viti 2001 deri në 2008.
Debutimi në muzikë
Pasi u largua nga ‘Degrassi: The Next Generation’, Drake e përqendroi vëmendjen e tij në karrierën e tij muzikore. Ai publikoi albumin e tij debutues, ‘Thank Me Later’, në 2010. Albumi u ngjit në vendin e parë në ‘Billboard Top 200’ dhe shiti 447,000 kopje në Shtetet e Bashkuara gjatë javës së parë.
Pas suksesit të ‘Thank Me Later’, Drake vazhdoi të publikonte albume që u ngjitën në krye të listave. Albumet e tij të tjera përfshijnë ‘Take Care’ (2011), ‘Nothing Was the Same’ (2013), ‘Views’ (2016), ‘Scorpion’ (2018) dhe ‘Certified Lover Boy’ (2021).
Përveç publikimit të gjashtë albumeve, reperi ka mbajtur gjashtë turne solo për të promovuar muzikën e tij. Ai gjithashtu kreu katër turne me Young Money, Lil Wayne, Future dhe Migos. Muzika e Drake ka pasur sukses në top-listat, si dhe është vlerësuar nga kritikët. Ai ka qenë i nominuar për 47 çmime Grammy dhe ka marrë katër për ‘Albumin më të mirë Rap’ në 2013, ‘Performancën më të Mirë Rap/Sung’ në 2017 dhe ‘Këngën më të mirë rap’ në 2017 dhe 2019.
Kthimi tek aktrimi
Ndërsa Drake nuk ka marrë pjesë në shumë filma që nga ‘Degrassi: Next Generation’, ai ka treguar aftësitë e tij në komedi si prezantues dhe i ftuar në ‘Saturday Night Live’ në 2014 dhe 2016. Ai gjithashtu është shfaqur në dokumentarët 6ix Rising (2017), Carter Effect (2017) dhe Remember Me, Toronto (2019). Pas kamerës, Drake ka qenë producent në ‘Euphoria’ të HBO dhe dramën e krimit të Netflix ‘Top Boy’.
Atësia
Ndërsa Drake flet për jetën e tij përmes muzikës, reperi i “God’s Plan” habiti fansat kur ndau foton e parë të djalit të tij, Adonis, në mars 2020. Ai publikoi fotot e para më shumë se dy vjet pas ardhjes së tij në jetë. Adonisi ka lindur më 11 tetor 2017. Drake fillimisht e mbajti sekret djalin që erdhi në jetë nga lidhja me Sophie Brussaux. Megjithatë, ai foli për të pasi Pusha T repoi se Drake po “fshehte një fëmijë” në këngën “The Story of Adidon” në maj 2018.
Muzikanti me origjinë kanadeze konfirmoi se kishte një djalë një muaj më pas dhe hodhi dritë rreth të qenit baba në këngën e tij të vitit 2018 “Emotionless”, me vargjet: “Unë nuk e fsheha fëmijën tim nga bota. Unë po e fsheha botën nga fëmija im.”
© Panoramaplus.al