Katy Perry dhe i fejuari i saj, Orlando Bloom, kanë blerë një super rezidencë në Kaliforni për 14.2 milion dollarë.
Çifti, i cili mirëpriti vajzën Daisy Dove në gusht, bleu shtëpinë mahnitëse në Montecito me pamje nga oqeani Paqësor.
Prona e çiftit shtrihet në 8.9 hektarë tokë dhe ndodhet në zonën më të pasur të Hollyëood-it, pasi fqinjët e tyre përfshijnë edhe familjen mbretërore të Princ Harry, Meghan Markle dhe Archie-t, 17 muajsh.
Vizitorët mund të hyjnë në shtëpi përmes një rruge të gjatë me dru lisi.
Vajza e çiftit erdhi në jetë pak muaj më parë, duke e bërë Perry-n nënë për herë të parë dhe Flynn, i cili është 9-vjeç, vëlla të madh. Ky është djali i vetëm i Bloom me ish-gruan, modelen Miranda Kerr.
