Pas divorcit me Jennifer Lopez, aktori Ben Affleck duket se po kalon kohë me vajzën 36-vjeçare të Robert F. Kennedy Jr. , Kick Kennedy.
Një burim hollivudian i tha Page Six se ata janë parë bashkë në restorante dhe dyqane në Beverly Hills.
Natyra e marrëdhënies së tyre mbetet e paqartë. Kick nuk pranoi të komentonte, ndërsa përfaqësuesit e Affleck nuk iu përgjigjën menjëherë kërkesës së Page Six.
Lopez paraqiti kërkesën për divorc nga aktori të martën, më 20 gusht, pas disa muajsh thashetheme për ndarje.
Data e ndarjes së tyre është 26 prilli, siç u bë e ditur nga letrat e divorcit.
Lajmi vjen dy vjet pasi çifti festoi dasmën në një ceremoni luksoze në shtetin e Xhorxhias.
Ata ishin martuar zyrtarisht në korrik 2022 në Las Vegas. Zëdhënësit e aktorëve Lopez dhe Affleck nuk iu përgjigjën menjëherë kërkesave për koment.
Në fillim të viteve 2000, dyshja e quajtur “Bennifer” ishin çifti më i përfolur në botën e Hollivudit. Ata e anuluan papritur dasmën e tyre në vitin 2003 dhe u ndanë disa muaj më pas.
Më pas Affleck, u martua dhe pas disa vitesh u divorcua me aktoren Jennifer Garner.
