Kim Kardashian ka shprehur shqetësimin e saj të thellë për sigurinë e fëmijëve të saj për shkak të përkeqësimit të gjendjes mendore të ish-bashkëshortit të saj, Kanye West.
Sipas raportimeve të fundit, personazhi televiziv ka kërkuar një seancë urgjente gjyqi për kujdestarinë e fëmijëve.
“North e do atë,” tha një burim i afërt me Kanye West për Page Six, teksa shtoi: “Unë nuk mund të flas për fëmijët e tjerë, por North është padyshim vajza e tij. Por kjo duhet të jetë e frikshme për Kim. Për më tepër, Kim Kardashian është e mërzitur sepse Kanye West publikoi një këngë me North, në bashkëpunim me të burgosurin Diddy, i cili po përballet me akuza për krime seksuale.”
Kanye West, i cili është diagnostikuar me çrregullim bipolar dhe autizëm, thuhet se nuk po merr mjekimet e tij të nevojshme, gjë që po kontribuon në sjelljen e tij të çrregullt. Kështu, Kim Kardashian po mendon të kërkojë kujdestarinë e vetme të katër fëmijëve të tyre, pasi Kanye West ka një përfshirje të kufizuar në jetën e tyre.
Situata po përkeqësohet për shkak të marrëdhënieve të West me figurat ekstremiste dhe deklaratave të tij antisemitike, të cilat kanë çuar në ndërprerjen e bashkëpunimeve me kompani të mëdha, si Adidas dhe Balenciaga.
Kim, e cila ishte e martuar me West nga viti 2014 deri në vitin 2022, ka deklaruar se po i rrit vetëm fëmijët e tyre. Shqetësimi i saj për ndikimin e reperit tek ata është intensifikuar, veçanërisht për shkak të ekspozimit të tyre ndaj përmbajtjeve të papërshtatshme dhe ideologjive të rrezikshme. Së fundmi reperi e ka sulmuar me postime duke e akuzuar se e ka penguar të shohë fëmijët e tyre. Në të njëjtën kohë, ai shprehu akuza ekstreme, duke thënë se Kim Kardashian dhe motrat e saj i promovojnë fëmijët e tyre në prostitucion dhe janë vetë “punonjëse seksi”.
