Robin Thicke dhe April Love Geary më në fund kanë thënë “po” pas gjashtë vitesh fejesë, duke kurorëzuar dashurinë e tyre me një dasmë romantike dhe luksoze në Cabo San Lucas, Meksikë.
Çifti u martua të premten, më 30 maj, në një ceremoni buzë detit që dukej sikur kishte dalë nga një film hollivudian. Modelja bukuroshe ndau pamje nga dita e madhe në Instagram, ku shkëlqente e veshur me një fustan nusërie të bardhë me dantella elegante, ndërsa Thicke ishte në një kostum klasik të zi, me një lule të bardhë në jakën e xhaketës.
Momenti më emocional i ceremonisë? Pa dyshim, ai kur këngëtari u shfaq duke ecur në altar nën tingujt e himnit të ndjerë “Hallelujah” të Leonard Cohen, një skenë që i bëri sytë e shumë të ftuarve të lotojnë.
Videoja nga kjo pjesë prekëse e dasmës është shpërndarë nga një prej të ftuarve dhe tashmë po bën xhiron e rrjeteve sociale, duke marrë komente të shumta nga fansat që mezi e prisnin këtë ditë për çiftin simpatik.
Robin dhe April, të cilët kanë tre fëmijë së bashku, janë ndër çiftet më të komentuar të showbiz-it amerikan, dhe me këtë dasmë madhështore, duket se e kanë vulosur përfundimisht kapitullin e tyre të dashurisë.
