Një shfaqje me zjarr në Nantong Forest Safari Park, në provincën Jiangsu të Kinës, u kthye në moment paniku kur një balerinë u përfshi nga flakët gjatë performancës.
Artistja po realizonte një koreografi me një strukturë flakësh të vendosur në fund të fustanit, kur mekanizmi dështoi dhe zjarri filloi të përhapej drejt trupit dhe flokëve të saj.
Pamjet tregojnë momentin dramatik kur ajo vrapon përgjatë bregut, ndërsa flakët përhapen me shpejtësi. Brenda pak sekondash, balerina hidhet në lumin Yangtze për të shuar zjarrin.
Performuesja u transportua në spital dhe ndodhet jashtë rrezikut për jetën, pa lëndime serioze. Shfaqja është pezulluar, ndërsa autoritetet kanë nisur hetimet për të verifikuar kushtet e sigurisë gjatë performancës.
